У 2023 годзе беларускія ўлады працягвалі парушаць правы чалавека ў дачыненні да беларускага студэнцтва і акадэміі. Сярод найбольш абмежаваных правоў у Беларусі, як і раней, аказаліся свабода слова, свабода ўдзелу у мірных сходах і свабода сумлення.

У 2023 годзе адміністрацыі беларускіх ВНУ увялі цынічны трэнд на “выхаванне” беларускага студэнцтва праз выязныя судзілішча ў сценах універсітэтаў на вачах іншых студэнтаў, студэнтак і іх бацькоў.

У 2023 годзе ў Беларусі змянілі закон аб вайсковай службе. Вучоба за мяжой цяпер не з’яўляецца падставай для адтэрміноўкі. Гэта таксама ўзмацніла адміністрацыйную і крымінальную адказнасць для студэнтаў, якія ўжо вучацца ў еўрапейскіх універсітэтах.

На працягу апошніх шасці гадоў у вышэйшай адукацыі назіраецца скарачэнне колькасці навучэнцаў і навучэнак: з 2015 года студэнтаў і студэнтак стала меней на 108 тысяч чалавек.