ЗБС (ад бел. Задзіночанне беларускіх студэнтаў) — гэта найстарэйшая беларуская студэнцкая арганізацыя, створаная напрыканцы 80-ых гадоў. Гісторыю дзейнасці і чаму гэта адзіная арганізацыя, здольная прэтэндаваць на званне нацыянальнага студэнцкага саюза, чытайце тут.

На апошнім Агульным Сходзе ў сувязі з палітычнай сітуацыяй у Беларусі мы вырашылі перафармаваць ЗБС пад патрэбы студэнцкіх стачкамаў і ініцыятыўных груп беларускіх універсітэтаў, якія ўтварыліся увосень 20-га падчас мірнага пратэсту супраць беззаконня і гвалту ў нашай краіне.

Цяпер ЗБС — гэта арганізацыя, якая аб'ядноўвае былыя стачкамы і ініцыятыўныя групы універсітэтаў, перарослыя ў Студэнцкія Аб'яднанні беларускіх Універсітэтаў. Поўны спіс прадстаўленых універсітэтаў тут.

ЗБС = Асацыяцыя = Задзіночанне = Студэнцкая арганізацыя. ЗБС — сталая абрэвіятура для беларускай назвы «Задзіночанне беларускіх студэнтаў». Асацыяцыя — нішто іншае, як пераклад слова «Задзіночанне» на рускую мову. Па сваёй форме ЗБС з’яўляецца арганізацыяй у форме асацыяцыі — аб’яднання роўных незалежных сутнасцяў - Студэнцкіх Аб’яднанняў (СА) Універсітэтаў.

Мы хочам адысці ад фармату, дзе телеграм-каналы проста выдаюць студэнтам план, па якім яны мусяць дзейнічаць.

Зараз атрымліваецца так, што студэнцкія актыўнасці арганізоўвае маленькая і закрытая група людзей. Наша місія — зрабіць так, каб шырокая студэнцкая супольнасць магла планаваць і кіраваць акцыямі. Тэлеграм-каналы стануць пляцоўкамі для выяўлення агульных меркаванняў і патрабаванняў студэнтаў, а таксама анансавання студэнцкіх актыўнасцяў, каб да іх далучылася больш неабыякавых студэнтаў.

Наладжаная камунікацыя і абмен досведам дапамогуць нам не паўтараць памылак і распаўсюджваць удалыя ініцыятывы і прапановы на ўсе універсітэты. Напрыклад, новыя ідэі акцыяў або механізмы актывісцкай бяспекі.

А яшчэ мы верым, што студэнты універсітэтаў адзіныя ў сваіх ключавых патрабаваннях, і гэтыя патрабаванні будуць гучаць гучней і больш важка, калі будуць прамоўленыя не ад асобных студэнтаў, аб’яднанняў або ініцыятываў, а ад усяго студэнцтва Беларусі, якое мы марым аб’яднаць.

Мы аб'ядналі 15 універсітэтаў: Акадэмія Мастацтваў, Акадэмія Музыкі, БарДУ, БДМУ, БДПУ, БДТУ, БДУ, БДУІР, БДУКМ, БДУФК, БДЭУ, ВДМУ, ГрДУ, МДЛУ і ПДУ.

Калі вашага універсітэта яшчэ няма ў гэтым спісе, але ў вас таксама ёсць ініцыятыўная група і вы хочаце далучыцца да нас — пішыце! Проста прайдзіце па гэтай спасылцы і мы звяжамся з вамі цягам дня.

Усталяванне дэмакратычнага ладу ў Беларусі, у тым ці іншым выглядзе.

Павелічэнне масавасці пратэсту і палітызацыя студэнцтва праз стварэнне агульнай праграмы, выразнага алгарытму дзеянняў, узмацненне працы ўласных медыя. Гэта будзе пацвярджэннем таго, што большасць студэнцтва не падтрымлівае дзеючую ўладу і стане прамежкавымі прыступкамі для перамогі народнага пратэсту.

Не, мы — студэнцкая арганізацыя. Мы займаемся не толькі «барацьбой з уладай». Таксама мы абараняем правы студэнтаў на месцах, рыхтуем планы рэформаў беларускай адукацыі і спрабуем павысіць ейную якасць ужо цяпер.

У будучыні мы будзем змагацца за ўвядзенне шырокага самакіравання ўва універсітэтах, празрыстае фінансаванне і выдаткі ў галіне адукацыі і агулам павышэнне адукацыйнага і навуковага патэнцыялу нашай краіны. На жаль, без перафарматавання грамадска-палітычнага ладу гэтага не атрымаецца і мы гэта цвяроза разумеем.

Усё проста! Каб далучыцца па агульных кірунках, проста запоўніце гэтую форму.

Калі вы хочаце далучыцца да дзейнасці Студэнцкага Згуртаваньня вашага ўніверсітэта — выберыце і запоўніце адпаведную форму, выбраўшы са спісу свой універсітэт.

Нічога страшнага! Дапамажыце нам у якасці валанцёра.

А таксама падтрымаце нас фінансава. Каб зрабіць гэта, проста перайдзіце па спасылцы і ў данат-боксе абярыце «Падтрымаць нашу барацьбу за свабоду». Сабраныя грошы ідуць на друк стыкераў і ўлётак, платную рэкламу, неабходную для стварэння кантэнту тэхніку, падтрыманне сайта і іншыя тэхнічныя рэчы.

Людзі, адказныя за бяспеку і базы дадзеных, знаходзяцца не ў Беларусі, ва ўсіх ўсталяваная двухфактарная сістэма ідэнтыфікацыі ў телеграм, мы рэгулярна праводзім рэвізіі палітыкі бяспекі. Займацца верыфікацыяй валанцёраў і актывістаў будуць правераныя людзі, якія маюць магчымасць распавесці сваю гісторыю і паказалі сябе.

Вядома, што абсалютная беспека немагчымая ў прынцыпе, але мы звялі рызыку для кожнага асобнага ўдзельніка да мінімума.

Калі вы падтрымліваеце акцыі і ініцыятывы страйкаму універсітэта, прадстаўленага ў ЗБС, то вы ўжо дапамагаеце нам разам набліжаць перамогу. Менавіта з гэтай мэтай і ствараліся Студэнцкія Аб’яднанні, якія злучыліся ў ЗБС.

Але, калі вы ўступіце, вы атрымаеце доступ да бяспечных пляцовак для абмеркавання акцый, агульнастудэнцкіх заяў і іншых ініцыятываў, юрыдычную дапамогу і, пры неабходнасці, падтрымку ў камунікацыі з партнёрскімі ініцыятывамі, якія ажыццяўляюць дапамогу рэпрэсаваным студэнтам: BYSOL, Сумленны Універсітэт і іншыя.

Карацей кажучы, перастанеце быць проста спажыўцом інфармацыі, а станеце паўнавартасным чальцом студэнцкага руху.

Адна з роляў ЗБС — стварыць умовы, каб Студэнцкія Аб’яднання максімальна адказвалі патрабаванням большасці студэнтаў універсітэта. Мы падзяляем прынцыпы дэмакратычнасці і празрыстасці, і будзем рады выслухаць любое альтэрнатыўнае меркаванне і высунуць яго на абмеркаванне ўнутры Студэнцкага Згуртаваньня ці ўключыць вас саміх у дзейнасць СА.

Дзеля гэтага напішыце ў чат-бот ТГ-канала вашага універсітэта альбо, у выпадку праблем з камунікацыяй з адміністратарамі каналаў, звяжыцеся з ЗБС напрамую.

ЗБС выяўляе кансалідаванае меркаванне універсітэтаў, якія ўваходзяць у яго. Кожнае Студэнцкае Аб’яднанне універсітэта дэлегуе аднаго прадстаўніка ў Нацыянальную Студэнцкую Раду (НСР), якая і з’яўляецца органам, які прымае рашэнні.

НСР — найвышэйшы заканадаўчы і прадстаўнічы орган ЗБС, які прамаўляе ад імя ўсіх Студэнцкіх Аб’яднанняў і студэнтаў Універсітэтаў, якія яны прадстаўляюць. НСР з’яўляецца органам, а не самой арганізацыяй, да якой належаць студэнты.

Спіс прадстаўнікоў ад усіх універсітэтаў кааліцыі ёсць тут.

З меркаванняў бяспекі некаторыя з нашых прадстаўнікоў застаюцца ананімнымі па ўласным жаданні.

Мы будзем імкнуцца да таго, каб усе прадстаўнікі сталі публічнымі, а таксама дэмакратычна абранымі на прамых выбарах прадстаўнікоў ува універсітэце. Больш падрабязна аб нашай праграме па стварэнні самакіравання чытайце тут.

Вядома! Мы адкрытыя да любой кааперацыі і прыязныя да ўсіх блізкіх па духу ініцыятываў.

ЗБС з’яўляецца паўнавартасным членам Еўрапейскага студэнцкага саюза, які аб’ядноўвае ўсе студэнцкія саюзы і асацыяцыі краін Еўропы, маем кантакты з прадстаўнікамі Балонскага працэсу і Грамадскага Балонскага камітэта.

Таксама мы маем сувязь і прызнанне з боку вядучых дэмакратычных структур — офіса Святланы Ціханоўскай, КР, ініцыятывы «Сумленныя Людзі» і іншых. Поўны спіс нашых партнёраў вы можаце ўбачыць ніжэй: